Warning message
The subscription service is currently unavailable. Please try again later.PREPÁRATE PARA EL CAMBIO, PARTICIPA EN LAS FORMACIONES DE UPMS II
"Presta zaitez eraldaketarako UPMS-IIrekin batera" formakuntzaren sistematizatzea tresnak kutxa formatuan ikaskuntza esanguratsuenekin.
Jarduera hori Gizarte Mugimenduen Herri Unibertsitatea erakundearen II. faseko proiektuaren parte da, "Respuesta feministas a desafíos emergentes desde la alianza Universidad/Sociedad", Euskal Herriko Mugarik Gabeko Ingeniaritzak eta Emaús Gizarte Fundazioak koordinatua.
2024/25 ikasturtean, Emaús Gizarte Fundazioek eta Euskal Herriko Mugarik Gabeko Ingeniaritzak antolatutako "Prestatu zaitez eraldaketarako UPMS-IIrekin batera" prestakuntzetatik ateratako ikaskuntzen sistematizazioa egin zuen Sorkinek. Prestakuntza horiek akademiaren eta gizarte zibilaren arteko loturak indartzera bideratuta zeuden, eta egungo gizarte- eta ingurumen-larrialdiei ikuspegi eraldatzaile batetik aurre egiteko tresna praktikoak eman zituzten.
Azkenik, dokumentu hori erabili zen, besteak beste, Aradia Cooperativak proiektu beraren barruan egindako "Koska bat estuago: Engranaje feministak unibertsitate emantzipaile baterako" gida egiteko.
Materiala eragile akademiko zein sozialentzat erabilgarria izan dadin garatu da. Hau da, aktibistei, gizarte-erakunde eta gizarte-mugimenduetako militanteei eta unibertsitate-ingurune osoari, batez ere edozein diziplinatako irakasleei eta ikasleei.
Esteka honetan deskarga daiteke: "Koska bat estuago: Engranaje feministak unibertsitate emantzipaile baterako"
Proiektuaren informazio gehiago: hemen.
“PRESTATU ZAITEZ ERALDAKETARAKO” IKASTAROAREN SISTEMATIZAZIOA
"Presta zaitez eraldaketarako UPMS-IIrekin batera" formakuntzaren sistematizatzea tresnak kutxa formatuan ikaskuntza esanguratsuenekin.
Jarduera hori Gizarte Mugimenduen Herri Unibertsitatea erakundearen II. faseko proiektuaren parte da, "Respuesta feministas a desafíos emergentes desde la alianza Universidad/Sociedad", Euskal Herriko Mugarik Gabeko Ingeniaritzak eta Emaús Gizarte Fundazioak koordinatua.
2024/25 ikasturtean, Emaús Gizarte Fundazioek eta Euskal Herriko Mugarik Gabeko Ingeniaritzak antolatutako "Prestatu zaitez eraldaketarako UPMS-IIrekin batera" prestakuntzetatik ateratako ikaskuntzen sistematizazioa egin zuen Sorkinek. Prestakuntza horiek akademiaren eta gizarte zibilaren arteko loturak indartzera bideratuta zeuden, eta egungo gizarte- eta ingurumen-larrialdiei ikuspegi eraldatzaile batetik aurre egiteko tresna praktikoak eman zituzten.
Azkenik, dokumentu hori erabili zen, besteak beste, Aradia Cooperativak proiektu beraren barruan egindako "Koska bat estuago: Engranaje feministak unibertsitate emantzipaile baterako" gida egiteko.
Materiala eragile akademiko zein sozialentzat erabilgarria izan dadin garatu da. Hau da, aktibistei, gizarte-erakunde eta gizarte-mugimenduetako militanteei eta unibertsitate-ingurune osoari, batez ere edozein diziplinatako irakasleei eta ikasleei.
Esteka honetan deskarga daiteke: "Koska bat estuago: Engranaje feministak unibertsitate emantzipaile baterako"
Proiektuaren informazio gehiago: hemen.
INPROBISAZIO ILUSTRATUAK
"INPROBISAZIO ILUSTRATUAK" proiektuaren parte gara, esperientzia artistikoak non egungo hainbat problema lantzen ditugun ikuspuntu artistiko eta ludiko batetik. Zehazki, landu beharreko edukien garapena izan zen gure lanaren ardatza.
"INPROBISAZIO ILUSTRUAK" sorkuntza eta hausnarketa-espazioak dira eta bertan, ilustrazioaren eta musikaren bidez, Nazio Batuen Erakundeak 2015ean proposatutako Garapen Iraunkorreko Helburu (GIH) batzuk bistaratzen dira, ikuspegi kritiko batetik.
Adierazpen artistiko hauen bidez helarazi beharreko edukien gidoia garatzeko, 3 GIH zehatzetatik abiatu ginen:
- 14. GIH: Ozeanoak, itsasoak eta itsas baliabideak mantentzea eta modu jasangarrirean erabiltzea garapen jasangarriari begira
- 15. GIH: , basoak modu jasangarrirean kudeatzea, basamortutzearen aurka borrokatzea, lurren degradazioa inbertitzea eta biodibertsitatearen galera gelditzea.
- 5. GIH: Genero‐berdintasuna lortzea eta emakume nahiz neskato guztiak Ahalduntzea. Helburu hau, zeharka integratu dugu aurreko bietan.
Gai horiek lantzeko, ildo komun batetik abiatzen gara, zeinen oinarria emakumeen esku egon izan diren eta bizitzarako funtsezkoak diren jakintzak berrestea den. Hain zuzen ere, ondasun komunen defentsarekin eta zaintzarekin lotutako jakintzak, hala nola lurra eta ura.
Horrela, modu sotil baina argi batean, ondasun komunen defentsa-lan horien atzean dauden hainbat kolektibo ikusarazi nahi ditugu (non emakumeek leku nagusia duten): emakume baserritarrak, lurraren babesleak, herbolerak, saregileak...
Guzti hau egiteko ezibestekoa da hemengo eta Hegoaldeko gaien artean loturak egitea, GIHei era holistikoa eta konplexu batean begiratuz.
Proiektuan parte hartzen duten kideak haue dira:
- Zuzendaritza artistikoa: Leire Llano (www.leirellano.com)
- Musika eta konposizioa: Itziar Madariaga (www.itziarmadariaga.com)
- Ilustrazioa: Janire Orduna y Bea Aparicio (www.femgarabat.com)
- Ekoizpena eta komunikazioa: Tania Díez (@recreabilbao)
- Edukien garapena: Vane Calero (www.sorkinsaberes.org)
Orain arte, 3 ekitaldi egin dira: 2021eko apirilaren 16an, 23an eta 24an, Zabalguneko Merkatuan, Bilbon.
Hala ere, "INPROBISAZIO ILUSTRATUAK" proiektu bizia da, hurrengo hilabeteetan jarraitzea espero duguna.
Informazio gehiago:
“TIPI TAPA BAGOAZ! BIZIMODU JASANGARRIETARANTZ” PROIEKTUAREN EBALUAZIOA
Desazkunde eta Bizitze ona sarearekin aritu gara, sarea barrutik indartzeko eta TIPI-TAPA Bagoaz! Bizimodu jasagarrietarantz komunikazio eta intzidentzia kanpaina bultzatzeko egin duten lana ebaluatzeko.
TIPI-TAPA Bagoaz! Bizimodu jasagarrietarantz proiektua 2010etik aurrera hainbat erakundek (Euskadiko 17 eta Latinoamerikako bi) egin duten sare- eta artikulazio-lan baten barruan kokatzen da. Lan horren bidez, bizitza jasangarrietarako eskubidea orokortzeko eta zabaltzeko hezkuntza-prozesu eraldatzailea sustatu dute, eta lau ardatz tematiko hauen inguruko aldarrikapenak eta proposamenak bultzatu dituzte: zaintzak, elikadura-burujabetza, ekonomiaren birlokalizazioa eta energia-eredua.
Ebaluazioa egiteko irizpideetan oinarritutako ikuspegia erabili dugu, esku-hartzearen oinarrian zeuden Gizarte Eraldaketarako Hezkuntzaren dimentsioak ere kontuan hartuta (politikoa, kulturartekoa, pedagogikoa, generoetakoa eta hegoaldeko ikuspegia). Azterlana esku-hartzearen alderdi hauei buruzkoa izan zen:
- Diseinua, proiektuaren fomulazioa eta bere esparru logikoaren matrizea aztertuz.
- Gauzatze-prozesua eta emaitzak, proiektua gauzatzearekin eta lortutako emaitzekin lotutako hainbat alderdi aztertuz eta honako hauetan arreta berezia jarriz:
- Desazkunde eta Bizitze Ona Sarea indartzea: Bizitza Jasangarrietarako eskubidearen aldeko hiru topaketa eta esperientziak partekatzeko bidaia Guatemalara.
- TIPI-TAPA Bagoaz! Bizimodu jasagarrietarantz kanpaina ezagutzera ematea: sentsibilizazio- (lehiaketa, antzerki-foroa) eta zabalkunde-kanpainak, berezko bideak eta hedabideak erabiliz.
- Eragin politikoa: mintegiak erakunde publikoekin.
- Zeharkako gaiak, esku-hartzearen diseinuarekin eta gauzatzearekin lotura duten gaiak aztertuz, bi bloke hauetan banatuta:
- Koordinazioa eta parte-hartzea sustatzea.
- Gizarte Eraldaketarako Hezkuntzaren ikuspegiak/dimentsioak.
Lan-prozesua hiru fasetan banatu genuen 2018an eta 2019an zehar:
- Bulego-fasea: esku-hartzearen diseinuan eta garapenean zehar sortutako dokumentazio guztia eta erreferentziazko dokumentazioa aztertuz.
- Landa-laneko fasea: batzarren, jardueren behaketa zuzenaren eta elkarrizketen bitartez.
- Informazioaren sistematizazio eta argitaratze fasea: zeinetan ebaluaziotik ateratako ondorio eta ikaspen nagusiak biltzen eta Sareari aurkezten dizkiogun.
(Irudia: kanpainaren logoa, web orritik aterata)